Türkmen döwlet ykdysadyýet we dolandyryş instituty ýokary okuw mekdepleriň professor-mugallymlaryny 2025-nji ýylyň 24-nji aprelinde onlaýn görnüşinde geçiriljek “Maliýe bazarlarynyň ösüşiniň häzirkizaman meýilleri” atly II halkara ylmy-amaly maslahata gatnaşmaga çagyrýar. Maslahata gatnaşmaga isleg bildirýänler çykyşlarynyň tezislerini 2025-nji ýylyň 5-nji apreline çenli şu aşakdaky elektron poçta ibermeli:

tsiem.conference@gmail.com

Maslahatyň iş dilleri: türkmen, iňlis we rus.

Halkara ylmy-amaly maslahat 3 sany bölümde geçiriler:

    I bölüm. Maliýe bazarlary we durnukly ykdysady ösüş.

    II bölüm. Maliýe bazarlaryny ösdürmekde banklaryň orny.

    III bölüm. Maliýe bazarlary we maýa goýum işjeňligi.

Halkara ylmy-amaly maslahata gatnaşmak üçin tezisleri, annotasiýalary we çykyşlary Guramaçylyk toparyna ýollamaly (5-10 minutlyk çykyş, nutugyň gysgaça beýanynyň möçberi 1,5 sahypadan geçmeli däl, annotasiýalaryň möçberi 0,5 sahypa çenli bolmaly, şrifti — Times New Roman, ölçegi — 14 pt, setir arasy — 1).

Tapawutlanan tezisleri çap etmek hukugy Guramaçylyk toparyna degişlidir.

Habarlaşmak üçin maglumatlar:

          telefon: +993 12 48 62 73, +993 62 03 59 90

elektron poçta: tsiem.conference@gmail.com

Türkmen döwlet ykdysadyýet we dolandyryş instituty ýokary okuw mekdepleriň talyplaryny 2025-nji ýylyň 10-nji aprelinde Makroykdysadyýet dersi boýunça talyplaryň arasynda geçiriljek III Açyk Halkara Internet olimpiadasyna gatnaşmaga çagyrýar. Bu Olimpiadanyň ýokary okuw mekdepleriň talyplarynyň we mugallymlarynyň arasynda hoşniýetli gatnaşyklary berkitmek, şeýle hem özara ylmy, amaly bilimleri we tejribe alyşmak üçin mümkinçilikleri döretjekdigine ynanýarys.

Olimpiadanyň resmi dilleri türkmen, iňlis we rus dilleridir.

Olimpiada talyplaryň arasynda özbaşdak bäsleşik görnüşinde geçiriler.

Olimpiada okaýan hünärine bagly bolmazdan her ýokary okuw mekdebinden   4-den (dörtden) köp bolmadyk talyplar gatnaşyp biler.

Olimpiadanyň ýeňijileri toplanan ballaryň netijeleri bilen kesgitlenýär.

Olimpiada gatnaşyjylar baradaky maglumatlar 1-nji goşunda laýyklykda      2025-nji ýylyň 1-nji apreline çenli aşakda görkezilen elektron poçtalara iberilmeli:

tsiem.macro@gmail.com, aynabekiyewa9@gmail.com

Habarlaşmak üçin maglumatlar:

    Telefon: +993 12 48 62 87, +993 63 10 40 10

    Elektron poçta: tsiem.macro@gmail.com, aynabekiyewa9@gmail.com

Türkmen döwlet ykdysadyýet we dolandyryş instituty zehinli ýaşlary ýüze çykarmak hem-de olary innowasiýa taslamalaryna höweslendirmek, hormatly Prezidentimiz Arkadagly Gahryman Serdarymyzyň, Türkmen halkynyň Milli Lideri Gahryman Arkadagymyzyň bu ugurda alyp barýan işlerini giňden dünýä ýaýmak, şonuň ýaly-da, “Berkarar döwletiň täze eýýamynyň Galkynyşy: Türkmenistanyň 2022–2052-nji ýyllarda durmuş-ykdysady taýdan ösdürmegiň Milli Maksatnamasyny”, “Türkmenistanda sanly bilim ulgamyny ösdürmegiň Konsepsiýasyny” we “Türkmenistanda 2019–2025-nji ýyllarda sanly ykdysadyýeti ösdürmegiň Konsepsiýasyny” durmuşa ornaşdyrmak maksady bilen, 2025-nji ýylyň mart aýynyň 14-ne ýurdumyzyň ýokary okuw mekdepleriniň talyplarynyň arasynda “Innowasiýa ykdysadyýeti: ýaş ykdysatçylaryň Startap bäsleşigini” guramagy we geçirmegi meýilleşdirýär.

Şunuň bilen baglylykda, bäsleşige gatnaşmaga isleg bildirýänler öz maglumatlaryny Düzgünnama laýyklykda taýýarlanan Startap-taslamalaryny 2025-nji ýylyň 6-njy martyna çenli tdydi.startap@sanly.tm elektron poçta salgysyna ugratmaly. Düzgünnama institutyň tsiem.edu.tm salgysynda ýerleşdirilen.

2025-nji “Halkara parahatçylyk we ynanyşmak ýyly”  ýylynda Türkmen döwlet ykdysadyýet we dolandyryş instituty tarapyndan Aşgabat şäheriniň tebigy we takyk ylmy ugurly dersleri çuňlaşdyryp öwredýän ýöriteleşdirilen orta mekdepleriň okuwçylarynyň arasynda matematika okuw dersi boýunça “Berkarar döwletiň zehinli ýaşlary” atly bäsleşigi geçirilýär.

.

Bäsleşige Aşgabat şäherinde ýerleşýän tebigy we takyk ylmy ugurly dersleri çuňlaşdyryp öwredýän ýöriteleşdirilen orta mekdepleriniň XII synp okuwçylaryndan jemi 3 sany okuwçy gatnaşyp bilýär. Bäsleşige gatnaşyjylar barada degişli maglumatlary 2025-nji ýylyň aprel aýynyň 15-ine çenli  tertipnamanyň 1-nji goşundysyny dolduryp  tdydi.olimp.matematika@gmail.com  elektron poçtasyna ugratmaly.

Bäsleşik geçirilende beriljek ýumuşlar guramaçylyk topary tarapyndan taýýarlanyp, matematikanyň algebra, ähtimallyklar nazaryýeti, sanlar nazaryýeti, algebra we analiziň başlangyçlary we stereometriýanyň bolümlerine degişli 5 (bäş) sany meselelerden ybarat bolar.

Bäsleşik türkmen, rus we iňlis dillerinde Türkmen döwlet ykdysadyýet we dolandyryş institutynda 2025-nji ýylyň 30-njy aprelinde sagat 10:00-da   geçirilip başlanar.

Habarlaşmak üçin telefon belgiler: +99312486256, +99365623225, +99365404502

Türkmen döwlet ykdysadyýet we dolandyryş institutynyň guramagynda 2025-nji ýylyň 30-njy aprelinde ýurdumyzyň ýokary okuw mekdepleriniň talyplarynyň arasynda «Ykdysadyýet» hakaton bäsleşigini gecirmek meýilleşdirilýär. Hakaton bäsleşigine her ýokary okuw mekdebinden bir topar gatnaşyp bilýär. Gatnaşýan toparyň agzalary 3-5 talypdan ybarat bolmalydyr. «Ykdysadyýet» hakatonyna gatnaşmak üçin hasaba alyş formasyny dolduryp, 2025-nji ýylyň 25-nji apreline çenli tsiem.olymp@gmail.com elektron poçtasyna ibermeli.

“Ykdysadyýet” innowasion çözgütleriň hakatony aşakdaky ugurlar boýunça geçirmek meýilleşdirilýär:

-  ykdysady nazaryýet;

-  maliýe we salgyt;

-  makroykdysadyýet we mikroykdysadyýet.