2025-nji ýylyň maý aýynyň 16-na Türkmen döwlet ykdysadyýet we dolandyryş institutynda Dünýä ykdysadyýet dersi boýunça III Açyk Halkara Internet Olimpiýadasy geçirildi. Oňa Türkmenistandan we daşary ýurtlardan, şol sanda,  Russiýa Federasiýasyndan, Belarus Respublikasyndan, Ermenistandan, Gazagystan Respublikasyndan, Gyrgyzstan Respublikasyndan, Özbegistan Respublikasyndan, Päkistandan –  jemi otuz sekiz sany ýokary okuw mekdebiniň 135 talyplary gatnaşdy. Olimpiadada jemi 65 sany baýrakly ýer yglan edilip, olar 10 – birinji, 23 – ikinji we 32 sany üçünji ýerden ybarat boldy.

Türkmen döwlet ykdysadyýet we dolandyryş instituty Dünýä ykdysadyýeti dersi boýunça III Açyk Halkara Internet olimpiadanyň ýeňijilerini gutlaýar.

Türkmen döwlet ykdysadyýet we dolandyryş instituty “IT (maglumat tehnologiýalary), emeli aň we blokçeýn tehnologiýalary” 3  hepdelik gysga möhletli hünäri ýokarlandyryş okuwyna gatnaşmaga çagyrýar. Okuwda maglumat tehnologiýalarynyň binýady bilen tanşyp, emeli aň, blokçeýn, Zatlaryň interneti we uly göwrümli maglumatlar ýaly häzirki zaman sanly gurallarynyň aýratynlyklaryna düşünje beriler.  “IT (maglumat tehnologiýalary), emeli aň we blokçeýn tehnologiýalary” boýunça okuwyň maksady - diňleýjilere maglumat tehnologiýalarynyň nazary we amaly esaslaryny ýetirmekden, emeli aňyň mümkinçiliklerini iş gurşawynda ulanmagy öwretmekden, şeýle hem blokçeýn tehnologiýasynyň gurluşy, işleýişi we pudaklaýyn ulanylyşy bilen tanyşdyrmakdan ybaratdyr. Okuwyň ahyrynda üstünlikli tamamlan diňleýjilere şahadatnama berler. 

Türkmen döwlet ykdysadyýet we dolandyryş instituty  ýurdumyzyň ýokary okuw mekdepleriniň talyp ýaşlarynyň arasynda sanly tehnologiýalarynyň programma üpjünçiliginden kämil baş çykarýan zehinli ýaşlary ýüze çykarmak we “Türkmenistanda sanly bilim ulgamyny ösdürmegiň Konsepsiýasyny” durmuşa geçirmek maksady bilen 2025-nji ýylyň 1-nji maýynda “Programmirlemegiň häzirki zaman tehnologiýalary” dersi boýunça onlaýn ders bäsleşigini geçirdi.  Bäsleşige 18 ýokary okuw mekdebinden 71 talyp gatnaşdy. Şahsy bäsleşikde Aba Annaýew adyndaky Halkara atçylyk akademiýasynyň, Ýagşygeldi Kakaýew adyndaky halkara nebit we gaz uniwersitetiniň, Tükmen döwlet ykdysadyýet we dolandyryş institutynyň, Halkara gatnaşyklary institutynyň we Myrat Garryýew adyndaky Türkmenistanyň Döwlet lukmançylyk uniwersitetiniň talyplary oňat netijeleri görkezdiler. Ýeňiji bolan talyp ýaşlar I, II we III derejeli diplomlar bilen sylaglandy.

Arkadagly Gahryman Serdarymyzyň “Belent sepgitler, beýik ösüşler, ilkinji nobatda, ylymly-bilimli nesliň güýji, zehin baýlygy hem-de döredijilik başarnygy bilen berk baglanyşyklydyr” diýen parasatly sözlerinden ugur alyp, ýaş hünärmenleri taýýarlamak, ýaşlarda ylmyň ugurlaryna çuň höwes döretmek hem-de zehinlerini artdyrmak we matematika dersi boýunça halkara olimpiadalarda öňdebaryjy orunlara eýe boljak ýaş hünärmenleri, ýaş matematikleri taýýarlamak maksady bilen Türkmen döwlet ykdysadyýet we dolandyryş institutynda “Halkara parahatçylyk we ynanyşmak ýyly” diýlip yglan edilen 2025-nji ýylyň    30-njy aprelinde ýurdumyzyň orta mekdepleriniň okuwçylarynyň arasynda Matematika dersi boýunça “Berkarar döwletiň zehinli ýaşlary” atly bäsleşik geçirildi.

Aşgabat şäheriniň orta mekdepleriniň 12-nji synp okuwçylarynyň arasynda Matematika dersi boýunça geçirilen “Berkarar döwletiň zehinli ýaşlary” atly bäsleşik şahsy bäsleşik görnüşinde geçirildi. Bäsleşige gatnaşyjylara Matematika dersinden hödürlenen ýumuşlar mysal görnüşinde orta mekdepleriň okuw maksatnamasynyň esasynda institutda döredilen guramaçylyk topary tarapyndan işlenilip taýýarlanyldy.

Bäsleşige Aşgabat şäherinden jemi 131 mekdep okuwçysy gatnaşdy. Okuwçylaryň toplan ballary boýunça bäsleşigiň netijeleri eminler topary tarapyndan jemlenildi. Bäsleşikde okuwçylaryň 3-si I orna, 8-si II orna, 13-si III orna mynasyp boldylar. Ýeňiji diýlip yglan edilen okuwçylara I, II we III derejeli diplomlar gowşuryldy.

Aşgabat şäherinden gelen mekdep okuwçylary institutyň fakultetleri, okuw binalary, tejribehanalary we sport toplumy bilen ýakyndan tanyşdyryldy.

Türkmen döwlet ykdysadyýet we dolandyryş instituty ýokary okuw mekdepleriň talyplaryny 16-njy maýynda Dünýä ykdysadyýeti boýunça talyplaryň arasynda geçiriljek II Açyk Halkara Internet olimpiadasyna gatnaşmaga çagyrýar. Bu Olimpiadanyň ýokary okuw mekdepleriň talyplarynyň we mugallymlarynyň arasynda hoşniýetli gatnaşyklary berkitmek, şeýle hem özara ylmy, amaly bilimleri we tejribe alyşmak üçin mümkinçilikleri döretjekdigine ynanýarys.

Olimpiadanyň resmi dilleri türkmen, rus we iňlis dilleridir.

Olimpiada talyplaryň arasynda özbaşdak bäsleşik görnüşinde geçiriler.

Olimpiada okaýan hünärine bagly bolmazdan her ýokary okuw mekdebinden    4-den (dörtden) köp bolmadyk talyplar gatnaşyp biler.

Olimpiadanyň ýeňijileri toplanan ballaryň netijeleri bilen kesgitlenýär.

Olimpiada bilen baglanyşykly goşmaça maglumatlar we bildirişler institutyň

https://tsiem.edu.tm/ web-saýtynda ýerleşdiriler.         

Olimpiada gatnaşyjylar baradaky maglumatlar 1-nji goşunda laýyklykda     2024-nji ýylyň 1-nji maýa çenli aşakda görkezilen elektron poçtalara iberilmeli:

tsiem.worldec@sanly.tm, saparovagulnabat@mail.com

Habarlaşmak üçin maglumatlar:

 Telefon: +993 12 48 62 86, +993 62 46 97 97

   Elektron poçta: tsiem.worldec@sanly.tm, saparovagulnabat@mail.com